Research
Transportation
Монголын агаарын тээврийн салбарын хөгжил
12:27 PM
Монгол улсад агаарын
тээврийн үйлчилгээ 1960-аад оны дунд үеэс эхлэн ЗХУ-д үйлдвэрлэсэн АН-2, АН-24
маягын онгоцыг ашиглаж эхэлснээр уг салбар иргэний агаарын тээврийн үйлчилгээ
болон хөгжиж эхлэх үндэс тавигдсан. Иргэний
агаарын тээврийн салбарын хамгийн оргил үе буюу
1980-д оны сүүл үе гэхэд манай улсын агаарын тээврийн хөлгийн парк 76
агаарын хөлөгтэй, жилдээ 18 аймгийг холбосон 300 гаруй сумдад 800 мянга гаруй
зорчигч тээвэрлэдэг байв.
1991 оноос хойш Монгол
улс зах зээлийн нийгэмд шилжих шилжилтийн үеийн хямралын нөлөө, агаарын тээвэрт
ашиглаж буй агаарын хөлгийн паркийн насжилт, түлшний нийлүүлэлт, үнийн өсөлт
зэрэг хүчин зүйлсээс хамааран уг салбар уналтад орсон гэж үзэж болох юм. Мөн
1990-д оныг хүртэл уг салбарын мэргэжлийн боловсон хүчин, нисгэх бүрэлдэхүүн,
инженер, техникийн ажилтнууд, эдийн засаг, төлөвлөлтийн ажилтнуудыг ЗХУ-д
нисэхийн дээд сургуулиудад бэлтгэж байсан ба зах зээлийн нийгэмд шилжсэнээр
боловсон хүчин бэлтгэх бодлого зогсонги байдалд орж, салбарын мэргэшсэн
ажилтнуудын дундаж наслалт 40-55 болсон байна.
Уналтын үйл
ажиллагаанд нөлөөлсөн өөр нэг хүчин зүйл бол техник технологи, тоног
төхөөрөмжүүдийг ЗХУ-с нийлүүлж байсан бөгөөд эдгээрийн ашиглалтын хугацаа
дуусаж, шинэчлэх шаардлага зүй ёсоор тавигдаж, этгээрийг шийдвэрлэх нь эргээд
өндөр зардлыг шаардах болсон хүчин зүйл юм. Газарзүйн байршлын онцгой газар тул
олон улсын болон орон нутгийн нисэх хөдөлгөөнийг удирдах бодит системийг бий
болгох, үүнтэй уялдан ажиглалт, удирдлагын автомат радиолокатор, хөдөлгөөнийг
зохицуулах электрон систем, мэргэшсэн боловсон хүчин бэлтгэх асуудал хамгийн
чухал буюу уг салбарын бүр мөсөн зогсох эрсдэлийг бууруулсан юм.
Манай улсын тээврийн
салбар жил ирэх тусам хөгжиж байна. Энэ нь жил бүр тээврийн төрөл тус бүрт
нэмэгдэж буй ачаа эргэлтийн хэмжээгээр батлагдана. Харин энэхүү өсөлтийг
тээврийн төрөл тус бүрээр авч үзвэл авто тээврийн салбар хамгийн хурдан хөгжиж,
агаарын тээврийн салбар хамгийн удаан хөгжиж байна. Эндээс бид агаарын тээврийг
хөгжүүлэх хэрэгтэй гэдгийг ойлгох ёстой. Ачаа эргэлт жилд дунджаар 7.5% өсөж
байхад агаарын тээврийн салбар -1.5% унаж байна. Тээсэн ачаа жилд 10.1% өсөж
байхад агаарын тээврийн салбар -4.8% унаж байна. Манай улсад зорчигч эргэлт
жилд дунджаар 9.4% өсөж байхад, агаарын тээврийн салбар 8.8% өсөж
байна.Зорчигчдын тоо жилд дунджаар 12.8% өсөж байхад агаарын тээврийн салбар
2.8% өсөж байна. Эндээс авч үзэхэд
агаарын тээврийн салбарыг ачаа тээврээс илүүтэй зорчигч тээврийн салбарт
хөгжүүлэх талаар илүү анхаарах шаардлага байгааг харуулж байна.
0 сэтгэгдэл