Мөрфийн хуулиуд хэмээх сонирхолтой, хошин, тэгсэн хэрнээ зарим анзаарч байгаагүй зүйлсийг агуулсан номыг уншаад төрсөн сэтгэгдэлээ бичиж байна. 

Ажлаа дуусгаад яг гарах гэж байтал дахиад нэг ажил гэнэт гарч ирэх, болохгүй дээ гэж бодож байсан ажил гэнэт болох гэх мэтчилэн төлөвлөж болохгүй хэрнээ төлөвлөх хэрэгтэй юмшиг, гэсэн хэрнээ төлөвлөчихөөр биелдэггүй энэ нэг сонин ажлуудын учир шалтгааныг тодорхой тайлбарлачихсан нь их таалагдлаа. 

Хүн бүрийн заавал унших ёстой номны жагсаалтанд ороогүй ч уншаад үзэхэд гэмгүй ном гэдгийг заавал дурьдах хэрэгтэй болов уу. Хамгийн их таалагдсан ишлэлүүдийг доор орууллаа.

1. Аливаа зүйл буруудах ёстой л бол буруудна.

2. Аливаа шийдэл болгон шинэ бэрхшээлийг дагуулна.

3. Бороо ордог бол аадар асгардаг.

4. Байдал дээрдэж байгаа мэт санагдах нь ямар нэг зүйлийг анзааралгүй орхисны шинж

5. Эргэлзээ гарч ирвэл түүнийг үнэмшилтэй болго.

6. Товч зам бол 2 цэгийн хоорондох хамгийн урт зай.

7. Юмс дордож байж сайжирдаг. 

8. Аливаа хамгаалалтын тогтолцоо бусдыгаа эвддэг.

9. Таны нисэж буй онгоц хоцроход шилжин суух ёстой онгоц цагтаа хөөрдөг.

10. Хажуугийн дараалал илүү хурдан ахидаг.

11. Утсанд нэг үзүүр байвал нөгөө үзүүр гэж заавал байгаа.

12. Хэрэв хангалттай өгөгдөл цуглуулж чадсан бол статистик аргыг ашиглан юуг ч баталж чадна.

13. Бүх агуу нээлт алдаанаас үүдэлтэй.

14. Удирдлага ажлыг хамгийн чадвар муутай ажилтанд даалгах хандлагатай байдаг.

15. Үнэмшүүлж дийлэхгүй бол эргэлзэлд оруул.

16. Ахиж дэвшмээр байвал зүтгээд бай.

17. Шалбааг хэр гүнзгий болохыг гишгэж байж л мэддэг.

18. Шулуун шугам татах бол өгөгдөл болгож зөвхөн 2 цэг ав.

19. Бүх магадлал 50% байдаг. Юу ч тохиолдож болно, эсвэл болохгүй.

20. Уучил, гэхдээ санаж яв.

21. Зах зээл хямралтай үед санаж явбал зохих зүйлс:

      21.1. "Маркетинг" за гэдэг. 

      21.1. "Санхүү" үгүй гэдэг. 

      21.1. "Хууль" хянадаг. 

      21.1. "Хүний нөөц" анхаардаг.

      21.1. "Төлөвлөлт" адгадаг. 

      21.1. "Инженерчлэл" дээрэлхдэг.  

      21.1. "Үйлдвэрлэл" талбай нэхдэг.

      21.1. "Дээд удирдлага" хариуцлага хүлээлгэх хүн хайдаг.  

22. Хүмүүс өөрсдийгөө сонсдог байсан бол арай бага ярих байсан.

23. Амжилт хувь тохиодог бол алдаа олон нийтийн өмнө тохиодог.

24. Буруудсан үед тантай хамт алдагдал хүлээх тийм хүмүүст л итгэ.

25. Засаж чадахгүй байвал давуу тал болго.

26. Дэлхийд хамгийн түгээмэл байдаг 2 зүйл нь улстөрч, тэнэглэл хоёр юм.

27. Юу ч тохиолдлоо гэсэн зориудаар төлөвлөсөн юмшиг харагд.

28. Цэцэн хүмүүс үнэнийг нээгээд баярладаг бол тэнэгүүд худлааг олоод баясдаг.

29. Амьдрал арагш ойлгогддог, урагш амьдрагддаг.

30. Гутландаа тээглэж унахдаа л хүн гутлаа өргөж эхэлдэг.