Companies
Entertainment
Албан ёсны зөвшөөрөлтэй Оригинал Нокиа утас барих боломжтой боллоо
5:41 PM
Nokia корпораци Монгол дахь үйл ажиллагаагаа шинэчилж Грандсмарт ХХКомпанийг шинэ албан ёсны дистрибьютор болгосноо зарлалаа. Nokia-ийн стратеги нь бүх төрлийн бүтээгдэхүүнээ Монголын хэрэглэгчдэд иж бүрнээр нь хүргэхэд оршино. Nokia-ийн бүх загварын гар утас болон смартфонууд үйлдвэрээсээ 1 жилийн баталгаат хугацаатайгаар Монголын зах зээлд нийлүүлэгдэнэ. Ихэнх загварууд нь монгол хэл, цэстэйгээс гадна цаашид илүү олон загваруудыг монгол хэлтэй болгохоор зорьж байна.Мөн Nokia Maps and Nokia Store үйлчилгээний хүрээнд Nokia смартфонууд дээр Улаанбаатар хотын GPS map-ийг үнэгүй суулгасан. Монголд Nokia Store-оор үйлчлүүлсэн ( мэдээлэл, үнэгүй, үнэтэй программ таталт зэрэг) тоо 400 мянгад хүрсэн нь өмнөх оныхоос 4,5 дахин нэмэгдсэн үзүүлэлт юм. Үүнээс гадна хэрэглэгчид гар утастай холбоотой иж бүрэн үйлчилгээ, мэдээллийг +88000800022 yтсанд хандан авах боломжтой.
Nokia-ийн өмнөд CIS-ийн ерөнхий менежер Карел Холуб хэлэхдээ “Одоо бид үүрэн телефоны оператор компаниуд болон худалдааны төвүүдэд оргинал Nokia-г нийлүүлэх шинэ дистрибьютортай болсон, Nokia-ийн гар утаснууд болон смартфонууд өргөн сонголттойгоор хэрэглэгчдэд амжилттай хүргэгдэнэ гэдэгт итгэлтэй байна. Хэрэглэгчдийн хувьд энэ нь Nokia-ийн гар утас албан ёсоор зарагддаг бусад улсуудтай адил хэрэглээний түвшинд очих боломжийг бий болгоно. Хэрэглэгчид албан ёсны боломжийн үнэтэй монгол хэлтэй гар утсуудыг дэлхий нийтийн нээлттэй хөл нийлүүлэн нэгэн зэрэг хүлээн авна.” гэж хэллээ.
Грандсмарт ХХКкомпани 2011 оны 11-р сараас эхлэн Nokia брендийн идэвхижүүлэлтийн үйл ажиллагааг Монголд хэрэгжүүлэхээр төлөвлөж байна. Эхний идэвхижүүлэлтийн үйл ажиллагаа нь Nokia 1280, Nokia 101, Nokia X2-01 загварын гар утаснуудад чиглэгдэх болно. Эдгээр утаснууд нь хамгийн хямд үнээр Стратегийн түнш- Юнител, IT Zone, PC Mall, Next Electronics болон Теди, Монтелийн зарим лангуу, Улаанбаатар дахь бусад албан ёсны борлуулагч газруудаар борлуулагдана.
0 сэтгэгдэл