Богино хугацааны хувьцаа болон үнэт цаасны хүүгийн түвшин, үл хөдлөх хөрөнгийн зах зээл хоорондын хамаарлыг тайлбарлан судлахдаа “Монголын хөрөнгийн бирж”-н ТОР20 индексийн хөдөлгөөн болон шинэ орон сууцны метр квадратын үнэ хоорондын хамаарлаар голлон судалсан. Доорх графикт хоорондын хамаарлыг харуулав.

Дээрх графикаас үзэхэд эдгээрийн хооронд шууд хамаарал байгаа буюу хөдөлгөөний фаз нэг чиглэлтэй байгааг харж болох юм. Энэ нь эдийн засгийн нөхцөл байдал ямар байгаагаас шууд хамааран худалдан авагчид хөрөнгө оруулагч аль аль нь орон сууц хувьцаа авах хандлагатай байгааг харуулж байна. Хувьцааны үнэ 2006 оноос идэвхитэй өсч, 2007 оны намар түүхэндэх хамгийн өндөр үедээ хүрээд буцаад унасан нь эдийн засгийн ерөнхий нөхцөл байдалтай холбоотой байсан ба энэхүү хувьцааны үнийн бууралт үл хөдлөх хөрөнгө худалдан авагчын ирээдүйн шийдвэрт нөлөөлж орон сууцны үнэ буурсан байж болох юм. Монголын үл хөдлөх хөрөнгийн үнэ, зах зээлийн чиг хандлага эдийн засгийн ерөнхий үзүүлэлтүүдтэй нягт уялдаатай гэж 100% хэлж болох юм.