2011-11-24 өдөр МУИС-ЭЗс дээр жил бүр уламжлал болгон зохион байгуулдаг Д.Бадраа агсны хөшөөнд хүндэтгэл үзүүлэн цэцэг өргөх, шалгарсан оюутнуудад тэтгэлэг гардуулах ёслолын ажиллагаа амжилттай зохион байгуулагдлаа.

Энэ жилийн үйл ажиллагааны хамгийн гол онцлог нь өмнөх жилүүдээс маш өргөн хүрээтэй, нийт 22 оюутанд тэтгэлэг олгосон явдал байв. Мөн Улаанбаатар Хотын Банк, Монголын хөрөнгө оруулалтын сан дэмжиж оролцсон бөгөөд тэтгэлэг хүртсэн нийт оюутнууд, өмнөх жилүүдэд хамрагдсан оюутнуудынхаа нэрийн өмнөөс сангийн үйл ажиллагааг дэмжиж, тусалсан бүх хүмүүстээ маш их талархсанаа илэрхийлж байна.

Тэтгэлэгт хөтөлбөрийн хувьд өмнөх жилтэй адилхан МУИС-ЭЗС, СЭЗДС хамруулан зохион байгуулж, эхний шатанд нийтдээ 62 материал хүрэлцэн ирснээс эссэ, нийгмийн идэвхи, сурлага, санхүүгийн бололцоо зэргийг харгалзан үзэж, 6 хүний бүрэлдэхүүнтэй баг 2 өдөр шалгаруулалт явуулснаар 25 оюутныг 2-р шатны ярилцлагад шалгаруулж, эцэст нь СЭЗДС-н 7, МУИС-ЭЗС-н 9 оюутан шинээр шалгарч, өмнөх жилээр үргэлжлүүлэн тэтгэлэг авч буй 6 оюутан нийтдээ 22 оюутанд тэтгэлэг гардууллаа.

Та бүхэн үйл ажиллагааны зургуудыг доорх линкээр үзнэ үү.

www.flickr.com/photos/badraasan

Сайн үйлс дэлгэрч, ШУДАРГА ЁС ҮРГЭЛЖИД БАДРАХ БОЛТУГАЙ.